上星期五經過金魚街，見到好靚既米奇魚，就買左8條米奇魚先講番屋企養~

買箱、氧氣珠同魚糧，一心以為好簡單咁就可以養好耐

誰知第二天已經有一條魚要離開我~~仲要係死左條仔！

真的有點兒那個~~~點解會咁架.......！？

如果第日要養個人，咁我點算呢？

 

不過養魚既決心卻沒有離開我！

經過網上專業人士指點迷津後~~

7條米奇有驚無險地繼續生存~

 

今日，芷穎仲加添左一棵好貴既海草同兩條高飛魚~~

但好驚既係，網上人士話加了海草一晚之後，d魚會死晒！(係咪架！？)

其實一晚未過，唔知點解一條高飛魚突然身亡了...........

十萬個為甚麼？？？

唔知聽日起身，會唔會好似阿kwan咁講「X家散」呢？

好驚呀！！！

 

其實我養魚都係想陶冶性情姐......................................

 

ps：今日剝埋其餘兩隻智慧牙~

       其中一隻要開刀，所以右邊面腫左~

       四隻智慧牙+照 X-Ray~ Total : $ X590！！！

 

最近幾日同神既關系唔錯唔錯~~

心靈指數達偏高水平！

 

今日米米同我查經。

《神與亞伯拉罕立約 》

係人覺得已經無可能係絕望既時候，神就向人宣告自己是全能神。

感謝主讓我再一次得著信心去為家人禱告，相信佢必然能夠拯救我一家。

 

 

 

媽媽今日番左鄉下~~

呢幾日又得番自己一個係屋企訓~~

我相信我應付到~~

 

聽日係浸禮~求神保守整個過程順順利利~!!!

 

p.s. 開源節流！！！

今日團契好開心呀~~

小組分享自己家庭既時候~

我果組有我、天、小添、Tommy、麥雞~~

唔知點解我地個個既分享都好深情~~哈哈~~

不過好感恩~神攪動緊我們既關系~~

最後我地仲彼此祝福各人既家庭~~

Well~~有質素的團契大概要這樣~

榮耀歸俾神！

 

p.s. 請為福音營的籌備工作懇切代禱。

時間真係過得好快~

Year2 既日子就係忙碌同頹廢的極端裡結束~

唔知Year3既日子會係點呢？

我既目光比較遠大~~^^~~

 

係時候要plan下我呢個暑假~

基本上6月已經full 左~ 7,8月都已經有兩個大project~

9月頭又有Con.Fire~~

that means 暑假已經有好多野做~~

唔駛plan lu~~

交俾神~~佢安排會好d~~ 

今日，我剪左個好短既頭髮~~

嗯…留長左d又走去剪短佢…

真係自己玩自己~

做人可唔可以唔好咁善變！？

 

不過真係激死我，我本來同芷穎一齊去剪~

芷穎個stylist得閒所以一去到就可以幫佢剪~

當佢所有野都搞好晒既時候~

我個Ricky終於得閒同我剪~

當我開始剪既時候，芷穎已經要走先~

 

過程中發生兩件笑話

第一就係本來我地係一樓等，等左一個鐘之後，俾人趕左上去二樓繼續等

仲感覺真係好似俾人打左入冷宮咁~

 

第二搞笑係有一個男仔比我地早到…

當芷穎剪緊，我等緊Ricky時~我就問芷穎

我：你估下佢係咪等Ricky？

芷穎：我估唔係

我：我覺得係

 

一個鐘之後

 

當我係二樓剪完落番一樓吹頭既時候~

我見到Ricky先幫個男仔剪緊~

原來佢真係等Ricky！

Ricky仲安排我坐係個男仔隔離~

係果刻，我真係不禁從心裡笑出黎~

我覺得佢一定會唸點解我會快過佢~

 

Ricky幫佢剪左都無15 mins~

跟住，Ricky幫我jel頭~then個男仔去左沖頭

我jel完頭時~then個男仔吹頭~

我去俾錢時~then個男仔已經搞點~

 

係果刻…我真係好想行埋去叫佢唔好咁傷心~

我地下一次都係做booking啦。

 

 

 

呢個禮拜既生活真係唔知想點…

日日都過住百無聊賴既生活…

唉…做咩都好似無晒動力咁…

 

小明！你要重新振作！

前面有好多好野等緊你架！

 

我發現原來自己係一個唔可以停同唔可以靜既人 ( 以前覺得自己得 )~

要接受自己既軟弱係一件唔容易既事~

我唸我之前真係高估了自己既能力~

原來一個人係佢好叻好有能力擁有好多野既時候，係會忘記左生命中最重要既野~

對於「為甚麼會有苦難？」，我開始有一點兒了解~

原來苦難使人認識神~

苦難有時是神所允許甚至有時是出自神~

但神的心意卻係美好，藉著苦難我們便知道神是信實，祂的愛恆久不變~

 

經常聽人說：「小明，感謝神你真係獨立呀！唔駛倚賴人」

連我自己都覺得自己得~

但最近我真正知道原來我唔係~

其實我係好唔想自己一個係屋企同要獨立~

我只係每日番屋企用電視、電腦同電話黎幫助自己、欺騙自己~

又或者不斷用物質 (衫褲鞋襪…) 黎填補~

但內心的空虛和孤寂卻是瞞不過上帝~

原來人的倚賴是自己未必知道的~

 

求主幫助我，賜我信心~

「因此，你們是大有喜樂；但如今，在百般的試練中暫時憂愁，叫你們的信心既被試驗，就比那被火試驗仍然能壞的金子更顯寶，可以在耶穌基督顯現的時候著稱讚、榮耀、尊貴。」彼前1:6-7

 

 

 

 

 

 

 

 

 

 

最近因服事而感到好大壓力

覺得自已咩都唔識，好無用，好失敗

好驚好驚，唔敢做，無信心

跟住就同自已講做得咁辛苦不如唔好做啦

做黎做去都係咁，放棄啦

唸好多唔做既理由同藉口

心入面好多控訴同不斷埋怨神，

埋怨神點解唔幫我，唔教我

 

另一方面，我既理性又話俾我知「非勢力非才能乃靠我的靈方能成事」

好姊妹又同我講：「你之前同神講願意為神擺上架喔，神真係俾你啦，你而家唔做！？」

唉................................好大既矛盾....................................

究竟我既位置係咩呢？我可以點呢？

 

我同伊琪講：「我唔做啦，不如我做番之前被服事果個啦，被服事真係好幸福呀。」

伊琪就同我講：「無錯被服事係好幸福，但服事果個仲幸福，施比受更有福呀。」

好感恩，神藉著伊琪同我講左好多野，分享左好多佢做領袖既經歷…

 

我既領受係做一個領袖唔係自已有d咩巴閉野

係辛苦架啦，如果唔係咩叫磨練

既然當初願意就要堅持忠心

無錯我係好驚做得唔好，但我更驚神收番佢俾我既恩典

我每次唸起當日以掃輕看自已長子既名份，同雅各交換

我就好驚，我唔想放棄神既恩惠

 

琴晚禱告既時候，神送左首歌俾我

就係《主必興起我》

um.....神祢看重我....

教我凡事上倚靠祢......

係呀主......俾我勇氣俾我謙卑.....

重建我既生命.....來預備我行各樣的善。

我靠著聖靈宣告：主必興起我！

 

 

 

《主必興起我》

   我們若照他的旨意求甚麼，他就聽我們，這是我們向他所存坦然無懼的心。

   既然知道他聽我們一切所求的，就知道我們所求於祂的，無不得著。」約一5:13-15

 

今日崇拜之後，弟兄姊妹有的吃飯，有的開會，有的離開……

而我未可以吃飯，不用開會，只想找一個地方藏著禱告。

雖然所有的房間都被佔用著，但感謝主讓我看到一個隱密處 (控制台)

我藏著禱告了過半小時，想不到在控制台禱告都可以好親近神……

流淚禱告的時候，翻開聖經，神就給了我上面的經文……

整段經文很感動很安慰我，有一種被寵愛的感覺……

一位至高至大的神竟然聽人的禱告，並應許我們得著一切所求於祂的……

很感動很感動

主啊，誰能像祢？

像祢這樣舒尊降貴

像祢這樣疼愛我們

像祢這樣憐恤我們的軟弱

像祢這樣體貼我們的需要

 

父啊，我知道我微聲的呼求，你都垂聽。

我相信祢會為我成就每個禱告。Amen！

 

「我等候耶和華，我的心等候，我也仰望他的話。」詩130:5

 

剛剛靈修禱告........

啊.......原來我的心是那麼的脆弱.......

為甚麼有膽怯的心呢........

主啊，祢告訴我祢從來做事都不懷懼怕的心.........

憐憫我這小信的人........

 

Well~~~琴日到今日都好忙~~

首先，琴日一早就番教會參加崇拜~

領主餐真係好開心~因為我覺得好榮耀~

之後我地一班弟兄姊妹就拉隊去尖國浸參加我地教會係07年搞既第一次浸禮~

真係恭喜晒阿天、慧賢同阿賢！

感謝主俾你地能夠踏出信心既一步！神真係好錫你地呀！

 

完左浸禮之後，我、Blue、伊琪就去左甜蜜蜜食野+傾竭~

哈哈~~~~傾左好耐

琴晚又無得同Blue去睇《霖歌又情人》~

哎呀......就落啦.....要快d 睇！

 

跟住我就番左屋企，打算做我份Nursing Assignment啦~

點知番到黎，我就靈修禱告到10:00~

再之後我 mimi momo mo到12:30都未開始做~

咁我就妄想自已可以用四個鐘既時間黎完成其它同學要用兩日完成既功課啦~

點知係我雄心壯志去做既時候，我個Word竟然打唔到字~

其實我果刻一d都無掙扎，無憂無慮地就走左去訓到大天光~

 

跟住我今日就用左lunch+下午computer堂total 4個鐘黎完成左我份Assignment~

真係好感謝神既恩典呀~！

多謝你呢~神派來的天使~

我以後會盡番自已既責任架啦~~

 

放左學之後，收到師母電話叫我夜晚去城浸幫手做司事~

其實今晚係「心繫我家」佈道會既最後一晚~

咁我當然應承去~因為我想聽好耐~

今晚真係幾好聽…牧師師母話係最好聽既一晚喔~~

哈~~~~我聽左~~！

 

今晚我最大既領受係決心跟隨耶穌，就要對屬世的事物唔妥協！

嗯~~~真係好贊同呢個睇法~~

因為當發現堅持唔妥協既時候，神既恩典係會傾係你身上~

到時我唔再需要去棄絕世界，因為世界已經將我棄絕~~Amen~!

果刻真係深深咁明白神係會按各人既忠誠黎報答人架~

感謝主！求神鞏固我既信心和堅持！

 

主呀~~求你赦免我~~

『 神為愛他的人所預備的、是眼睛未曾看見、耳朵未曾聽見、人心也未曾想到的 。 』 哥林多前書2:9

 

 哈~~~~~~~~~~~~~我聽日放假~~~~~~~~~~~~~~~

 

換左個好多愛心既backgroud ~~

well~~~~好靚~~

 

已經好耐無update自已既spaces~

其實我唔係唔想打架，只係無乜時間~

希望大家仲有黎睇啦~

 

岩岩過完新年，收獲係有史以黎最多既一年~

哈哈~~~~~都係廢事講有幾多~~~

免得你地眼紅我就唔係幾好啦~~

 

新年番左鄉下過，去左好多地方，見到好多親戚朋友，食左好多美食~

真係好開心~~

 

不過最開心既都係帶左婆婆信主！

我同婆婆講唔駛驚死架，信耶穌有永生~

死左就會上天堂，唔駛落地獄受苦架~

跟住婆婆就話係呀係呀，咁我信呀信呀~

之後就同婆婆做左決志禱告啦~

婆婆咁單純信主真係令我又感動又感恩~

 

至於舅父件事，神亦為我擔起左呢個重擔~

亦令我明白到傳福音真係好睇當時既屬靈氣氛~

硬傳只會兩敗俱傷~求神加添孩子智慧~

 

呢幾日我隻右腳小腿對落成日抽住咁痛~

本來以為無事，點知今日杜芷穎同學話我已經拉傷左條筋~

oh my god~~~~~搔爆頭都唔知幾時拉傷左~~

Ar......唔好痛啦........乖啦..........腳..............

 

嗯~~~我好需要祈禱既力量~~~~

唔可以因為累而唔祈.......

「因為離了我，你們就不能做甚麼。」約15:5

 

主啊~~我心裡所想所求的，你又豈可不知呢~

求你叫我清心專心，讓我行在你的旨意中~

因我不單信有你，並信你會賞賜那尋求你的人。Amen！

 

 

 

繼續為媽媽信主禱告 ~

「因為還有一點點時候，那要來的便來，並不遲延；

    只是義人必因信得生。他若退後，我心裡就不喜歡他。

    我們卻不是退後入沉淪的那等人，乃是有信心以致靈魂得救的人。」希 10:37-39

今日好開心~~~！！！

小組第一次有咁多新朋友~~~

同埋第一次有咁多人~~

新朋友：雷仔、方小龍、彼得、小棠！！！

計埋我地 total 有12人！！

well~~~過10個！！！好異象~！！！

 

今日小組有一個好特別既環節…

就係拆開一年前整既Time Capsule…

我琴晚仲好肯定咁同伊琪講我無寫過野自已~~

但點知今日拆既時候，竟然有我寫俾自已既信囉~!!!!!

我仲以為果時未番榮恩tim~真係令我好suprised~!!!!!!

 

內容：

      親愛的小明，你好呀！你最0近生活如何呀？你記唔記得係一年前呢，

你曾經寫過一封信俾自已，話希望係呢一年裡面你想同神既關係親近d，

將每一日都交托俾神，又想自已多d祈禱，睇聖經，了解神既旨0意多d。

話咁快又一年啦，你同神既關係有無進展呢？我好希望你既答案係有啦~

你呢，你既學業點呢？你既會考成績滿唔滿意呀？達唔達到你既要求？

無論點都好啦！我都好希望你能夠放多d時間落去學業上面啦！又希望你

記得你講過要繼續努力，唔好放棄！係喔~你同媽媽點呢？有無機會帶到

佢番教會，認識神？希望你真係做到啦！好啦！我祝你係呢一年入面能夠

過得開開心心，充充實實呢！

 

                                                         From:充滿期望的自已

                                                                  06年1月21日

 

睇番自已寫過既野，真係感恩到喊~~

基本上我寫過既野，神為我一一實現晒~~

超乎我既所想所求！

過去既一年我真係經歷左神好多~~

每一日都無白費咁過~~好充實好喜樂~~

我亦都超級滿意自已會考既成績~~

完美的7分full cert~~好夠我用~~

亦都帶過媽媽番過教會兩次~~

雖然佢未信主~~但呢個係我來年既盼望~~

今日我地再一次係神面前立志~~

每個都寫左d野俾自已~~

哈哈~~我今年既盼望就多啦~~哈哈~~

好期待出年拎番出黎睇既情況！！！

一定個個流晒成公升眼淚！

 

 

 

上帝呀祢真係好奇妙呀~~

我要高舉讚美祢~~

祢真係我既主、我既避難所、我既盾牌和詩歌！

求神祝福我地個小組！！！

用祢既愛去吸引更多人黎~

叫我地每一個都更愛祢！更愛祢！更愛祢！暮

嘩！！！今期教會真係喜事多籮籮~！！！

首先真係要恭喜晒 Yiki & Roy ~！！！

終於落實07/07/07結婚！！！

真係好感謝主呀！！！呢個日子真係勁好！！！神揀既日子真係呢~~

哈！係時候要儲定錢買套靚靚飲衫黎飲你地個餐~！！！

你知啦~~我地話晒都係羊仔同埋係重要人物~

點都唔可以求求其其架！哈哈！

 

講完Yiki & Roy，半年之後就係 慧賢& Elden (08/01/08)~！！！

Wow ~~~ 又係神預備既一對！真係勁興奮！

結完婚快d生番個 B 俾我地玩啦~! 一路湊B一路教我地主日學！！！

ahahahhahahaahah~~~~~~~~

 

喜事唔好俾佢停~~跟住就係 Jenny & Timothy (08/11/08)！！！

你地揀係我生日之後果日結婚一定係想同我慶祝埋生日喇~！

唔好講笑~~聽講佢地咁多年都無鬧過交架~~

神既安排永遠都係perfect match~！！！

 

MicMic & Lok、家儀 & Dick

你地要加油加油呀！！！

快d 趕係07-08 拉埋佢啦！！！

 

莫徽藍！！！！我地要求神供應一筆人情錢俾我地呀！！！

仲有呀！！！今次減肥計劃只許成功！不許失敗！！！

哈哈~~~莫徽藍~~~你都快d結啦~！！！

最多我做你既守望啦~~~

 

 

 

《夢.飛行》佈道會終於在神的恩典下完滿結束！

感謝主！當晚坐無虛席！

超出我們所想所求。

 

當晚的話劇，我係女主角Maria、又係伊利莎白、又係牧羊人…

之前咁多次彩排都唔夠好…但感恩出場當晚神帶住我做表情、動作…

雖然做完個劇之後，我成腰緊晒、個胃又不斷咁痛…

但好多謝弟兄姊妹為我祈禱同照顧我，過左一陣就好番…

最感恩既係我地個drama run 得勁smooth~!!!

連Wyman、四大天王個個都好入戲~~~真係唯一一次係咁……

 

今次係我第一次有份搞佈道會，當中真係經歷神充充足足既恩典~~

不論敬拜team…話劇team…support team…

每個都為著耶穌名而故來忠心服待，大家一同係基督入面成長，真係好喜樂！

等候神既工作，因為我地既眼睛唔應該睇人既表面反應~

而係我地要深信神會係人既心入面做更大既工作！！！

神既工作唔單止當晚咁簡單，神揀人同人揀人係唔同…

神已經暗暗得勝！Yeah~！

 

多謝每一個黎佈道會既朋友仔！

係神既愛親自吸引你地黎…

希望你地有得著啦…

祝福你地每一個，Amen。

 

 

 

今晚，我睇左金燈臺~

一份講解真理既基督刊物~

好難得佢好多字我都睇~仲睇得好開心~

我好想同大家分享一篇「掙斷無形的繩子」~

佢話係我地生活入面，有三條無形的繩子將我地綁住~

令我地活得好唔自由，活得好累好累~

 

第一條：物質上的執著

世界既事物好似井水咁~~

打完又打，喝完又喝~

但永遠唔會滿足~

但基督所賜既活水，喝了就永遠不渴，並且要在生命中成為取之不盡，用之不竭的泉源，直湧到永生！

世人既價值觀係"不在乎天長地久，只在乎曾經擁有'"

但神教我地要"不在乎曾經擁有，只在乎天長地久"

神要我地重新覺悟永恆比暫時更重要。

 

第二條：思想上的成見

所謂成見，即係先入為主，以自已既4判斷為標準，去定人地既是非

但基督就話俾我地知有成見既人，永遠睇唔清乜野係真像~

神唔鐘意我地有太多雜念，因為會令我地被蒙敝~

我地要"回轉" , 好似細路仔咁，因為細路仔既心單純~

只有回轉先可以令我地搵番迷失左既自已~

耶穌說：" 清心的人有福了！因為他們必得見神。"

 

第三條：心靈上的憂慮

而家有好多人為生活、愛情、工作、家庭而勞碌一生~

令到心靈既憂慮不斷加深

好多人有盡各樣方法去解決心靈既憂慮~

發脾氣、唉聲嘆氣、搵人傾竭、食安眠藥、自殺……

但心入面道鎖始終得唔到釋放~

但有一個最好既方法就係將個問題卸俾神，因為祂顧念我地。

"應當一無掛慮，只要凡事藉著禱告，祈求，和感謝，將你們所要的告訴神。

神所賜出人意外的平安，必在基督耶穌裡，保守你們的心懷意念。"( 腓4:6-7 )

 

今日，我願意叫基督既平安係我心入面作主~

每刻每秒倚靠祂，無論乜野光境都係祂裡面喜樂。

你呢？你自已係咪仲緊緊咁抓住好多野，搞到自已好辛苦~

唔好自已煩自已啦~~放手交俾佢啦…

 

 

求主興起禱告的心

求主幫助我的禱告

求主教導我去禱告

求主喜悅我的禱告

求主垂聽我的禱告

阿門。

講個天大既喜訊俾大家知~

就係我係短短3個禮拜裡面~

我足足肥左十磅~

真係開心到震~

 

「人饑餓，不是因為沒有餅，人乾渴，不是因為沒有水，因為不聽不聽不聽神的話。」

感謝主教導我，求主節制我的飲食~

我需要既唔係地上的食物，而係屬靈既食物~

戒零食，吃靈食，咁我就唔會肥了~~

 

---

琴晚我俾我阿媽搞到好唔開心~

因為佢confirm左跟佛堂去旅行~

真係令我覺得好唔平安~好唔想佢去

但佢最終都去左，無辦法，求神俾佢去到果度全程訓覺！

完全無領受咁番黎！等佢覺得個旅行好無聊同晒佢時間！

 

但我呢幾日就得自已一個係屋企~~

唉~~~~~~都唔知好定唔好~

因為我都幾唔鐘意獨居既感覺~

 

求主與孩子同在！

自從星期日上完Alden既查經

查到亞伯拉罕佢由70歲開始等神賜個仔比佢~~~~

到佢100歲，神賜左以撒比佢~~

 

神又叫佢親手殺死自已個仔獻番俾神~~

但亞伯拉罕毫無尤疑，就係憑著相信神能使死人復活呢個原因~~

就將等左30年，對佢最重要既仔獻俾神~~

當然以撒最尾無死到~~

因為呢個係信心既考驗，所以亞伯拉罕被稱為「信心之父」

 

跟住阿倫就問Alden：「如果神要一個人殺死自已既親生仔，咁神咪好變態囉？」

Alden就答：「就係變態，因為神為左令我地得救，都係咁親手殺死自已個仔耶穌黎洗淨我地既罪。」

嘩~~~~Alden既回應，令我同blue都無聲出~~

真係無野好講，因為最變態既，神就係做左.....

可見神係幾咁愛我地~~

 

跟住我呢幾日就問自已有咩對我最重要既野可以獻俾神呢`~

我唸左好耐都無答案~~

雖然仲未有一個好好既答案~

不過琴晚我覺得喜樂對我黎講係幾重要~~

咁我會願意將我既喜樂俾神

因為我相信我願意為神喜樂既話我會更喜樂~~

 

如果日後有樣野對我好重要既話，我會俾番神~

因為人本來就係一無所有~

而家擁有既，都係神所賜既~~

 

要尊神的名為大，無一樣野大過佢。

 

 

我而家係學校既computer room到上緊網~~

今日天氣真係風和日麗~~

我番到學校既時候條褲淨番10%係乾既~~

我覺得好似買左條新褲咁~~都幾靚~~

 

番左學3日都好充實~~

堂堂都上3, 4 個鐘~~

今早8點起身，因為要係9點番到教會上查經同練敬拜~~

不過我要沖涼+燙衫+動作慢令我遲到左15分鐘~~

幸好番到去知道Alden會遲好多，所以先安心d ~~

由於我要準備見證同練敬拜既關係，搞到我無得上Alden既查經!!!!

我要長嘆一番~~~~~~~~~~~~~~~~

 

今日第一次帶敬拜~

嗯~~不過不失啦~~^^~~

至於我今日見證既題目就係「兩後彩虹」

咁就係講我會考放榜後係前途方面點樣深深咁經歷神既幫助同帶領~~

感謝主~! 因為我覺得講得好流通~

 

完左崇拜之後，我同blue就亡命咁飛地鐵番中心啦~~

因為今日係我地隱敝青年調查報告既發佈會~~

係我地聯席於今年搞既第一炮~~

嘩~~~大家既表現其實相當唔錯！

對住黎自17間唔同既傳媒朋友~~

整個既過程都好順利~~

尤其係Q&A~~我好欣賞你地既鎮定！！！

 

發佈會完左之後~~做埋個Evaluation ~~

我地聯幫就開會~~我全日未食過野~~

果時我已經累到死咁濟~~~

所以開開下會我係訓著左~

 

黎緊我地又要準備第二炮就係 23/9號既研討會~

名稱 :  青年與社會隱蔽現象研討會

日期 :  二零零六年九月二十三日

時間 :  下午二時至四時

地點 :  中華基督教會銘基書院禮堂

對象 :  社區人士

( 學生 家長 老師)

目標:  引起社會關注

教導社區人士去預防隱青

 

 

 

最近我發現自已有一樣好重要既功課要去做，就係孝順。

越黎越覺得媽媽真係老啦，工作對佢黎講越黎越吃力。

我知道佢好想我關心佢多d，講多d令佢開心既野……

不過我覺得自已對佢既態度真係好差~~

係媽媽面前我會變得好任性同好容易發脾氣~~(可能呢個先至係我既本性)……

對住佢講大話講到差d呃埋自已~~

好鐘意駁佢咀，駁到18世紀既事都會拎番出黎駁番佢~~

好鐘意俾面色佢睇

例如唔食飯、第二朝起身唔同佢講早晨、問我野我唔答、出街唔會講聲、勁講有骨既說話、……

好多好多令佢好心痛既野我都做過，我都唔想再講有幾衰啦…

 

媽媽係一個廿四孝既媽媽~~

好多人同我講我媽媽好錫我…叫我要孝順佢多d~

我問我d朋友如果佢地既媽媽做錯野會唔會同佢地講對唔住，十個有九個都答唔會

但係我阿媽係會同我講對唔住架

最離譜既係有時明明係我做錯仲要發佢脾氣果時

佢係會同我講對唔住逗番我轉頭架囉

所以咁既媽媽邊度搵？

其實我一直都知佢係好錫我，但係就唔知點樣孝順番佢~

而其實我自已都好愛佢，亦都係唔知點樣將我對佢既愛心化為行動~

 

不過我而家覺得我唔可以再咁對佢啦…

講真我真係要把握同媽媽相處既時間…

我唔可以再咁任性同咁無理~

我要結溫柔、忍耐既果子！

我要講有愛心既誠實話！

我要俾媽媽感受到佢個女係好錫佢！

 

十誡裡面既唔知第幾誡話

你應當孝順你的父母。

好！求主幫助我！賜我忍耐和溫柔~

孝順既功課！我要做滿分！Amen！

 

唉……我聽浩揚唱既《誰人像你》…

聽到就黎聾…我唸浩揚都就黎啞…

好驚聽厭呢首咁好聽既歌…